Karibu katika Tovuti ya Mkoa wa Dar es Salaam, Jiji kubwa kuliko yote Tanzania ambalo ni Kitovu cha Shughuli za Serikali za Kiutawala, Viwanda, Biashara,Utalii na Shughuli za kibenki, pia ni Makao Makuu ya Balozi za nchi na Wakala mbalimbali wa Kimataifa. Mkoa unapakana na Mkoa wa Pwani kwa pande za Kaskazini, Magharibi na Kusini Magharibi,
Bahari ya Hindi ndiyo mpaka wa Mkoa kwa upande wa Mashariki na Kusini Mashariki.
Mkoa wa Dar es Salaam unajiandaa na Kampeni ya upandaji miti ijulikanayo kama 'MTI WANGU'. Kampeni hii imeasisiwa na Mheshimiwa Mkuu wa Mkoa wa Dar es Salaam Mhe. Paul Makonda. Kampeni hii itazinduliwa rasmi tarehe 01 Oktoba, 2016 katika barabara ya Kilwa.
Hivyo basi wananchi wote mnatakiwa kushiriki katika zoezi hili kwa hali na mali.
Aidha Wafanyakazi wa Taasisi mbalimbali za Serikali na zisizo za Serikali, na Wafanyabishara mnatakiwa kushiriki katika uzinduzi wa Kampeni hiyo.
Kampeni hii ni ya miaka minne, yenye lengo la kupanda miti 6,000,000 (milioni sita) katika Mkoa wa Dar es Salaam.
Huduma ya Maji kwa wakazi wa Dar es Salaam, kwa kiasi kikubwa (68.7%) hutolewa na Mamlaka ya Maji ya Mjini Dar es Salaam (DAWASA) ambayo imekodisha shughuli za utoaji huduma kwa kampuni ya DAWASCO.
