Mfumo wa Utaratibu wa Masuala ya Usafi wa Mazingira Katika Mkoa wa Dar es Salaam
MFUMO WA UTARATIBU WA MASUALA YA USAFI WA MAZINGIRA KATIKA MKOA WA DAR ES SALAAM.
UTANGULIZI .
Mkoa wa Dar es salaam una jumla ya Wilaya tano ambazo ni Ilala, Kinondoni, Kigamboni, Temeke na Ubungo na Halmashauri sita, Halmashauri ya Jiji na Manispaa za Ilala, Kinondoni ,Kigamboni Temeke na Ubungo.
Halmashauri za Mkoa wa Dar es Salaam zina mifumo tofauti ya uzoaji na ukusanyaji wa taka katika maeneo yao ambapo ; Baadhi ya Halmashauri zinatumia wakandarasi wa uzoaji taka na Halmashauri nyingine wanatuamia vikundi vya kijamii kwa ajili ya kukusanya na kuzoa taka na kupeleka dampo.
Kwa utaratibu wa kutumia vikundi hauko madhubuti sana kwani taka hazizolewi kwa mujibu wa ratiba ambazo zainajulikana na wananchi , mara nyingi husababisha kero kwa taka kutoondolewa kwa wakati . Mara nyingine husababisha mrundikano wa taka barabarani na kwenye maeneo ya wazi.
Mfumo wa kutumia Makandarasi ya uzoaji taka ambapo mara nyingi wapo katikati ya Jiji; mfumo huu upo madhubuti hasa kwa Makandarasi ambao wanafuta ratiba na wana uwezo mkubwa wa biashara ya uzoaji wa taka na kupeleka dampo .
Kwa hivi sasa baada ya kufanya tathmini Mkoa umeanzisha Mfumo mpya wa utoaji wa taarifa ya hali ya usafi wa mazingira kwa kila siku ya Ijumaa ya kila wiki ikionyesha:-
Hali ya usafi wa mazingira katika mitaa , kiasi cha uzalishaji wa taka na asilimia ilipelekwa dampo.
Uwezo wa Wakandarasi wa uzoaji wa taka na kiasi cha taka walichokusanya na kupeleka dampo.
Idadi ya Wakandarasi wa Uzoaji wa taka na vikundi vya kijamii vilivyopo katika mitaa.
Mfumo wa makusanyo wa ada ya taka na utaratibu wa malipo ya Wakandarasi na Watoa huduma ya taka , Kama Magari ya kukodi kupeleka taka dampo .
Hali ya dampo na usimamizi wake kwa ujumla taarifa hii tunaipata kwa meneja wa dampo Pugu Kinyamwezi.
Madeni ya wakandarasi kwa Halmashauri na hatua walizochukua kulipa madeni husika.
Taarifa ya Wakandarasi wa usafi wa barabara waliongia mkataba na manispaa husika na urefu wa barabara husika .
Mkakati wa kipindi cha mvua kwa kuwa dampo huwa ni changamoto kwa magari hayaingii kutokana na ubovu wa barabara na kusababisha taka kujaa hadi getini.
