Uongozi wa Wamachinga Dar Wampongeza RC Makalla

Posted on: September 16th, 2021

Mhe Makalla akiongoza kikao kazi na Viongozi wamachinga mapema leo Jijini Dar es Salaam.

- Wamsifu kwa kupokea maagizo ya Rais na kufanya kikao shirikishi na Uongozi wa Machinga

- Wamekiri kuwepo kwa biashara holela Dar, na kuahidi ushirikiano na Serikali

- Mhe Makalla awahakikishia Machinga hakuna atakayekosa sehemu  "nimejipanga vizuri"

- Asema kesho septemba 17,2021 atazindua rasmi mpango wa kuwapanga wamachinga DSM

Uongozi wa Wamachinga Mkoa wa Dar es Salaam umefurahishwa na Kikao cha RC Makalla na Viongozi wa Machinga* kuhusu kuwapanga Machinga katika Mkoa wa Dar es Salaam.

Kikao hicho kimefanyika leo katika ukumbi wa Mkutano wa Mkoa na kuhudhuriwa na Waheshimiwa wakuu wa Wilaya, Kamati ya ulinzi na Usalama, Sekretarieti ya Mkoa na Viongozi wa Wamachinga kutoka Wilaya zote za Mkoa wa Dar es Salaam.

Akiongea wakati wa kikao hicho Makamu mwenyekiti wa wamachinga Taifa Ndg Steven Silinde kwa niaba ya wenzake amesema amefurahishwa na namna RC Makalla alivyojipanga kuwapanga wamachinga DSM

" Kikao kazi cha leo kimekuwa shirikishi nasi viongozi wa Wamachinga tumetoa maoni yetu kwa uwazi tukiwa huru, tunamhakikishia Mkuu wa Mkoa Ushirikiano uliotukuka" Alisema Ndg Lusinde

Akaendelea kufafanua siku za nyuma maagizo ya Kitolewa na Rais yamekuwa yakitekelezwa bila kutushirikisha viongozi wa Wamachinga lakini Mkuu wa Mkoa ametuita na kuongea nasi kwa namna hiyo tunampongeza RC Makalla na tunamuahidi ushirikiano mzuri katika jambo hilo alisisitiza Ndg Lusinde

Aidha Mhe Makalla akiongea wakati wa kikao hicho amebainisha yeye binafsi alishafanya utafiti wa kutosha juu ya biashara holela DSM, amewataka viongozi hao kumpa ushirikiano.

Akasisitiza Machinga ni taasisi muhimu hakuna mmachinga atakosa sehemu ya biashara, watapangwa vizuri na kesho septemba 17,2021 nazindua rasmi mpango wa kuwapanga wamachinga DSM ndani ya mwezi mmoja kama waziri Mkuu alivyoelekeza  wamachinga watakuwa wamepangwa Alisema Mhe Makalla

# Dar es Salaam isiyo na wafanyabiashara holela inawezekana kikubwa ni ushirikiano kwa maslahi mapana ya Mkoa na Taifa