RC MAKALLA: AONGOZA USAFI HOSPITALI YA MUHIMBILI

Posted on: October 29th, 2022

- Uongozi Hospitali ya Muhimbili wasema kurudi kwa machinga eneo la Muhimbili ni eneo hatarishi 

- RC Makalla atangaza eneo hilo ni hatarishi wamachinga wabaki maeneo waliyopangiwa

-Ahamasisha wananchi kushiriki usafi katika maeneo yao

RC Makalla ameongoza kufanya usafi Hospitali ya Muhimbili  eneo la stendi leo Octoba 28,2022 akiwa pamoja na Uongozi wa Hospitali hiyo, Wadau wa Usafi, na Wananchi wanaozunguka katika eneo hilo

Aidha Uongozi wa Hospitali hiyo chini ya Mtendaji Mkuu Prof Mohamed Janabi wamesema wamachinga wamerudi katika eneo ambalo ni hatarishi ambapo kuendelea kufanya shughuli zao katika eneo hilo ni rahisi kupata magonjwa na kwenda kueneza kwa watu wengine

Kwa hiyo kutokana na wamachinga kurudi katika eneo hilo ambalo ni hatarishi RC Makalla ametangaza wamachinga wabaki katika maeneo waliyopangiwa na Serikali ambayo ni rasmi

Sambamba na hilo RC Makalla amehamasisha Wananchi kushiriki usafi katika maeneo yao ili kuendana na kampeni endelevu ya Safisha Pendezesha Dar es Salaam Usafi husaidia kukabiliana na magonjwa ya milipuko kama kipindupindu

Hata hivyo RC Makalla amepokea vifaa vya usafi kutoka Kampuni ya Uniliver na shilingi milioni moja kutoka kwa mdau wa usafi wa eneo la standi ya Muhimbili familia ya Mbaga fedha ambayo ameelekeza inunue vifaa vya usafi pia

Kwa Upande wa Mkurugenzi Mtendaji wa Hospitali ya Taifa Muhimbili *Prof Mohamed Janabi* amemhakikishia mkuu wa Mkoa kuendeleza usafi katika eneo la Hospitali na amethibitisha kitaalamu kuwa eneo la stendi ni hatarishi hivyo wanafanyabiashara wadogo (wamachinga) wasifanye biashara eneo hilo

kumbukwe kuwa RC Makalla ameshiriki Usafi wa mwisho wa mwezi katika eneo hilo ikiwa ni muendelezo wa utaratibu aliojiwekea wa kujumuika na jamii kufanya Usafi kila mwisho wa mwezi