RC Chalamila Akabidhi Hundi Bilioni 7.5 Temeke

Posted on: January 27th, 2026

-Hundi ya mikopo ya asilimia 10 kundi la Wanawake, Vijana na Watu wenye ulemavu

Mkuu wa Mkoa wa Dar es Salaam Mhe. Albert Chalamila leo Januari 27, 2026  amekabidhi Hundi ya thamani ya Shilingi Bilioni 7.5 (7,517,146,645) ikiwa ni fedha ya mikopo inayotokana na 10% ya Mapato ya ndani ya Manispaa inayokwenda kutolewa kwa kundi la Wanawake, Vijana na Watu wenye ulemavu.

Akizungumza wakati wa hafla hiyo RC Chalamila amewataka wanufaika wa mikopo hiyo kuhakikisha wanaitumia vizuri kama nyenzo bora ya kujikwamua kiuchumi ili iwanufaishe katika maisha yao na kuwawezesha kurudisha mikopo hiyo kwa wakati.

"Mkaendelee kujipanga vizuri kwenye mikopo hii ili mkawe matajiri muongeze kipato chenu, pia hakikisheni mikopo hii irejeshwe kwa wakati", alisema RC Chalamila.

Aidha katika mgawanyo wa asilimia 4 ya wanawake, 4 ya vijana na 2 watu wenye ulemavu, Vikundi 122 vya Wanawake vimepata Tshs 3,006,858,658/=,Vikundi 95 vya Vijana navyo vikipatiwa Tsh 3006,858,658/= na Vikundi 20 vya walemavu vimepata Tsh 1,503,429,329/=.

Vilevile Mhe. Chalamila amewahimiza Wananchi kuendelea kudumisha Amani na utulivu wa nchi ili kutengeneza mustakabali mzuri wa Taifa akimtaka Mkuu wa Wilaya ya Temeke Mhe. Sixtus Mapunda kuhakikisha anashugulikia Migogoro mbalimbali ya Wananchi ikiwemo Migogoro ya Ardhi, Ndoa na Mirathi ili Wananchi ambapo amewasii waendele kuishi kwa amani, upendo na utulivu