RC Chalamila Anogesha Hamasa ya Young Africans Kuelekea Mtanange Jumapili

Posted on: May 24th, 2023

- Atoa Tsh Milioni 5 kwa tiketi za  watu 1000

-Aupongeza Uongozi wa Young Africans ,Kocha, wachezaji, wadhamini na mashabiki wote kwa ujumla

-Atoa Rai kwa wananchi wote kujitokeza kuwashangilia Young Africans Jumapili

-Eng. Hersi Said ashukuru na kusema hamasa iliyotolewa na Mhe. Rais pamoja na RC ni KUBWA Sana wanaichukua Kama motisha ya kumfanya Rais Samia awe wa kwanza kubeba kombe hilo

Mkuu wa Mkoa wa Dar es Salaam "Mhe. Albert Chalamila* leo Mei 24, 2023 ameupokea ugeni wa Rais wa Young Africans uliofika kumtembelea ofisini kwake

Mhe. Chalamila amesema kwa sasa Young Africans ndio timu  inayoenda kutupatia Heshima Kubwa hivyo tuiunge Mkono.  *"Mhe. Rais Samia alianza kwa kutoa Milioni 5 kwa kila goli kwa timu zetu mpaka kufikia Milioni 20 kwa sasa, hakuishia hapo ametoa mpaka ndege bure ya kuwapeleka na kuwarudisha wachezaji, viongozi na washangiliaji kadhaa ili waende kujumuika na timu Yao"* Alisisitiza RC Chalamila

RC Chalamila ameongeza kuwa kwa upande wake anatoa leo Tsh Milioni 5 kwa wananchi 1000 ambapo atapita katika vikundi vya amsha amsha kugawa tiketi na atatoa tena Tsh Milioni 5 kwa ajili ya chakula Cha Wana- Young Africans

Hata hivyo RC Chalamila ameupongeza Uongozi wa Young Africans, Kocha,  Wachezaji, Wadhamini na Mashabiki wote kwa kazi kubwa wanayoifanya na kutoa RAI kwa watu wote kujitokeza tarehe 28 Mei kwa Mkapa kushuhudia fainali ya kwanza ya Young Africans

Kwa upande wake Rais wa Young Africans Eng. Hersi Said ameshukuru na kusema Hamasa iliyofanywa na *Mhe. Rais Samia Suluhu Hassan na RC Chalamila itatumika Kama Motisha ya wao kufanya vema na kumfanya Rais Samia awe wa kwanza kubeba kombe hilo