RC Chalamila Akabidhi Viti Mwendo 84 kwa wenye Uhitaji DSM

Posted on: January 26th, 2024

Mkuu wa Mkoa wa Dar es Salaam Mhe Albert Chalamila leo Januari 26,2024 amekabidhi viti mwendo (Wheel chairs) 84 kwa watu wenye ulemavu katika Ofisi za KC Salasala Wilaya ya Kinondoni Jijini Dar es Salaam.

RC Chalamila amemshukuru Mkurugenzi Mtendaji wa KC Ndg Chris Lukosi kwa kutoa Viti mwendo hivyo na kuahidi kuendelea kutoa Viti kwa wenye ulemavu hususani DSM kufuatia ombi lake, "Matajiri ni wengi lakini kutoa ni moyo hivyo tuendelee kumuombea kwa mwenyezi Mungu Ndg Chris Lukosi ampe afya njema" Alisema RC Chalamila

Aidha RC Chalamila amekemea vikali vitendo vya baadhi ya watu kuwatumia watu wenye ulemavu kama mtaji tabia hiyo ikome mara moja kuanzia sasa, ulemavu sio ugonjwa wa kulala kitandani Rais amaeshaweka utaratibu mzuri wa kuyawezesha makundi hayo yenye uhitaji na watu wengine waiga mfano wa KC kuyawezesha makundi hayo.

Kwa upande wa Mkurugenzi Mtendaji wa KC Ndg Chris Lukosi amemhakikishia Mkuu Mkoa kuendelea kuleta viti mwendo hivyo kwa ajili ya wenye uhitaji kesho tu mzigo mwingine unaingia na utapelekwa moja kwa moja katika ofisi ya Mkuu wa Mkoa ikiwa ni sehemu ya matoleo kwa watu wenye ulemavu.

Ifahamike kuwa Kampuni ya KC inajihusisha na midana ya vitu mbalimbali ikiwemo magari katika Mkoa wa Dar es Salaam Ofisi zake zinapatikana Salasala Wilaya ya Kinondoni