RC Chalamila Akabidhi Vifaa vya Kazi kwa Jeshi la Polisi, Uhamiaji na Zima Moto

Posted on: January 25th, 2024

Mkuu wa Mkoa wa Dar es Salaam Mhe Albert Chalamila leo Januari 25,2024 amekabidhi Vifaa vya kazi (Pikipiki) kwa Jeshi la Polisi, Uhamiaji na Zimamoto hafla ambayo imefanyika katika kituo cha Kipolisi Kanda maalum (Central Police) Ilala Jijini Dar es Salaam.

RC Chalamila akiongea katika hafla hiyo amemshukuru na kumpongeza Mhe Rais Dkt Samia Suluhu Hassan kwa uongozi wake mahiri hususani katika kuhakikisha Tanzania inakuwa ya amani na salama wakati wote lakini pia nasaa zake kwa viongozi wa mikoa kushirikiana kwa karibuu na Jeshi la polisi katika kudumisha amani.

Aidha RC Chalamila amesema sababu ya kugawa vifaa hivyo ameangalia hali ya usalama kikanda na Mkoa kwa ujumla wake ambapo hali ya usalama imeimarika kwa kiasi kikubwa sana ametoa rai kwa raia wa Tanzania kuwa namba moja katika ulinzi wa Amani kamwe askari asionekane kama adui wa raia bali awe chachu ya kulinda amani.

Sambamba na hilo amelitaka Jeshi la polisi kutoruhusu hata kidogo raia wa aina yeyote akapeleka kidole kwa Askari polisi, Alisisitiza RC Chalamila

Vilevile RC Chalamila  ameahidi kuendelea kuwezesha jeshi la polisi kilichofanyika leo ni rasha rasha tu vikubwa zaidi vinakuja hivyo polisi waendelee kuchapa kazi "Anachokitoa leo amewashirikisha wadau wachache sana kama Bakhesa ametoa pikipiki 10  na Lita tano tano za mafuta na ameahidi kufanya makubwa, Kuhani Musa pikipiki 5 zingine zifuata, Mtume Mwamposa pikipiki 5 zingine zitafuata dhamira yake kabla ya mwezi wa sita tuwe tumefikisha pikipiki hadi kwenye mitaa" Alisema Chalamila

Kwa upande wa Kamanda wa Kanda maalum Jumanne Muliro amemshukuru sana mkuu wa Mkoa na kuahidi kutumia vifaa hivyo kama ilivyokusudiwa

Naye Katibu Tawala wa Mkoa Bi Rehema Madenge ametoa rai kwa Jeshi la polisi kuendelea kufanya kazi kwa weledi, dalili ya mvua ni mawingu vizuri vinakuja hivyo jeshi kuendelea kuchapa kazi.

Mwisho Mhe Albert Chalamila amelipongeza jeshi la polisi kwa kazi nzuri ya kusimamia ulinzi na usalama wakati wa maandamano ya CHADEMA katika Mkoa wa Dar es Salaam.