RC Atoa Onyo Uchangishaji wa Michango kwa Wanafunzi Bila Ridhaa ya Mamlaka

Posted on: January 8th, 2024

- Asema wanaofanya hivyo waache maramoja kwani Serikali imeshashugulikia suala Hilo

-Aagiza shule zilizopo "Prime Areas"  kujengwa magorofa yatakayowiana na eneo husika

-Ataka watoto wote waende shule sambamba na kudumisha nidhamu yao

-Ahimiza matumizi ya Science na Technology katika kuwafundisha watoto

- Usafi ni Ajenda ya Kudumu Dar es Salaam

- Mkuu wa Wilaya ya Kinondoni Mhe. Saad Mtambule akiri kupokea maelekezo na kuyafanyia kazi

Mkuu wa Mkoa wa Dar es Salaam Mhe. Albert Chalamila leo Januari 8, 2024 ametoa ONYO kwa walimu wakuu wa shule kuacha  Mara moja tabia ya  kuchangisha wanafunzi  michango ya madawati na madarasa kwa kuwa Serikali imeshashughulikia miundombinu hiyo

 RC Chalamila ameyasema hayo akiwa Oysterbay Sekondari alipofanya ziara ya kutembelea shule za msingi na sekondari kuona uwasili wa wanafunzi ikiwa leo ni siku ya  kufungua kwa shule hizo

Hata hivyo Mkuu wa Mkoa ameagiza shule zote zilizopo  kwenye  "Prime Areas" kujengwa magorofa ili kuweka uwiano Mzuri wa ghorofa lenyewe na eneo lilipo

Vilevile RC Chalamila amewataka wazazi kuwapeleka watoto wote shule bila ya ubaguzi sambamba na nidhamu kwa watoto kudumishwa kwani watoto ndio Taifa la Kesho

Aidha Mhe. Chalamila ametumia nafasi hiyo kuhimiza matumizi ya "Science na Technology" katika kuwafundisha watoto ambapo amesema kwa sasa waalimu wanafundisha wanafunzi kwa njia ya mtandao

Mwisho kabisa Mkuu wa Mkoa Amehimiza Usafi kuwa Ajenda ya Kudumu kwa wananchi wa Dar es Salaam kwani kwa kufanya hivyo tunaweka Mkoa katika Hali ya Usafi sambamba na kujiepusha na magonjwa mbalimbali Kama vile kipindupindu, homa za matumbo na kuhara hivyo amewataka watendaji na kata kuizingatia Ajenda hiyo

Kwa upande wa Mkuu wa Wilaya ya Kinondoni Mhe. Saad Mtambule amekiri kupokea maagizo yote na kuahidi kuyafanyia kazi

#Ikumbukwe kuwa Maandalizi yote yameandaliwa vema na wanafunzi hitajika wanaendelea kuripoti mashuleni ishara ya kuonyesha kuwa wazazi wanaridhishwa na miundombinu pamoja na ubora wa elimu inayotolewaR