RAS MHINTE ASISITIZA MAMBO MATATU KUZINGATIWA NA SEKRETARIETI YA MKOA, WAKURUGENZI NA WAKUU WA SEHEMU NA VITENGO WA HALMASHAURI

Posted on: August 18th, 2025

-Ukusanyaji wa Mapato

-Kuzingatia Maslahi ya Watumishi

-Uhamasishaji uendelee wa watu kujitokeza kwa wingi kupiga kura Oktoba 29

Katibu Tawala wa Mkoa wa Dar es Salaam Ndg. Abdul Rajabu Mhinte ameyaseme hayo Leo tarehe 18 Agosti, 2025 katika kikao chake na Wakuu wa Sehemu na Vitengo kutoka Sekretarieti ya Mkoa, Wakurugenzi na Wakuu wa Sehemu na Vitengo kutoka Halmashauri zote za Mkoa wa Dar es Salaam  kilichofanyika katika ukumbi wa Karimjeee Hall

Mosi, RAS Mhinte amesisitiza suala la Ukusanyaji wa Mapato ambapo amewataka Wakurugenzi wa Halmashauri zote za Mkoa huo kuweka nia thabiti katika hili ili kufikia malengo yaliyowekwa na hata kuyavuka. *"Hili ni jukumu la msingi kabisa linalotupa nguvu ya kuendelea  kuwahudimia wananchi"* Alisisitiza RAS Mhinte

Pili, Katibu Tawala Aliwasihi Viongozi hao kuzingatia Maslahi mbalimbali ya Watumishi ambapo alisema sisi  Viongozi wajibu  wetu Mkubwa ni kwenda kuwahudimia vema watumishi wetu. Mambo ya madai mbalimbali ya watumishi yaendelee kushughulikiwa ikiwa ni pamoja na kumalizwa kabisa ili nao wajisikie wako kazini na kutimiza wajibu wao ipasavyo, vile vile  tuwapime utendaji kazi wao kwa wakati sahihi ili nao wapate Stahili zao husika

Tatu RAS Mhinte amepongeza wingi wa watu uliojitokeza kwenda kujiandikisha kwenye daftari la kudumu la mpiga kura na akasisitiza hamasa zaidi ziendelee kufanyika ili watu wajitokeze kwenda kupiga kura tarehe 29 Oktoba 2025

Ikumbukwe kuwa katika kikao hicho Cha Robo ya Nne ya Mwaka 2025, mambo mengi mazuri yalijadiliwa na kufikia muafaka na kilichobakia ni utekelezaji