Dar Yaadhimisha Siku ya Mashaujaa Kwa Kufanya Usafi na Kupanda Miti

Posted on: July 25th, 2022

Mkoa wa Dar es salaam Leo umeadhimisha Siku ya kumbukizi ya mashujaa waliopigania Uhuru wa Taifa kwa kufanya Usafi wa Mazingira na upandaji miti kwenye maeneo mbalimbali ya Mkoa huo.

Akizungumza wakati wa maadhimisho hayo kwa niaba ya Mkuu wa Mkoa wa Dar es salaam Mhe. Amos Makalla, Katibu Tawala wa Mkoa huo Hassan Abbas Rugwa ameongoza Viongozi na Wananchi kupanda Miti kwenye Viwanja vya Mashujaa Mnazi mmoja na upandaji miti.

Aidha Rugwa amesema Serikali itaendelea kuheshimu na kuthamini kazi kubwa na nzuri uliyofanywa na Mashujaa wa Taifa hili.

Hata hivyo Rugwa amesema kila Wilaya ya Mkoa huo imeadhimisha siku ya Mashujaa katika eneo lake, Wilaya ya Kinondoni  wameadhimisha siku ya leo kwa kupanda takribani Miti 4,000 eneo la Mabwepande

Maadhimisho ya siku ya Mashujaa yaliyofanyika Mnazi mmoja yamehudhuriwa pia na Wakuu wa Wilaya, Wakurugenzi, Wastahiki Meya, Makatibu tawala, Viongozi wa Dini, Wakuu wa idara, Wadau mbalimbali.