Posted on: May 28th, 2017
Rais wa Makampuni ya CNBM kutoka Beijing CHINA Bw. Cao Jiang Lin amekutana na kufanya mazungumzo na Mkuu wa Mkoa wa Dar es Salaam Mhe. Paul C. Makonda, Jijini Dar es Salaam.
Katika mazungumzo hayo, Bw. Lin amemuhakikishia Mkuu wa Mkoa Mhe. Makonda kuwa Makampuni mengi yameonyesha nia ya dhati ya kuja kuwekeza nchini Tanzania ambapo tayari baadhi ya Makampuni yameshaanza kuwekeza Jijini Dar es Salaam.
Aidha, katika mazungumzo yao, Bw. Lin amemuahidi Mkuu wa Mkoa wa Dar es Salaam Mhe. Paul C. Makonda kuwapatia kazi vijana wa Dar es Salaam Zaidi ya 500 kupitia Ofisi ya Mkuu wa Mkoa.
Ikumbukwe kuwa Makampuni ya CNBM yako Zaidi ya 500 duniani na ndiyo Makampuni yanayoongoza kwa uzalishaji wa Cement na bidhaa Zaidi ya 15,000 DUNIANI.
