RC Chalamila Azindua Tawi Jipya la Benk ya Maendeleo-Zakhiem Mbagala

Posted on: May 22nd, 2024

-Asema kuongezeka kwa Benk ni kichocheo cha makuzi ya uchumi wa mtu mmojammoja na Taifa

Mkuu wa Mkoa wa Dar es salaam Mhe Albert Chalamila leo Mei 22,2024 amefungua rasmi tawi jipya la Benk ya Maendeleo Mbagala Zakhiem Wilaya ya Temeke Jijini humo.

Akiongea wakati wa hafla ya ufunguzi wa Benk hiyo ameipongeza menegimenti ya Maendeleo Benk kwa uwekezaji mkubwa na namna walivyojipanga kutoa huduma bora za kibenk katika Mkoa wa Dar es salaam hususani kwa wakazi wa Mbagala.

Mhe Chalamila amesema Benk ni Kichocheo cha uchumi wa mtu mmojammoja na taifa kwa ujumla ambapo amewataka wafanyakazi wa benk hiyo kufanya kazi kwa weledi na kuzingatia maadili ya kibenk ili kuwezesha kukua kwa benk hiyo

“Chakula cha benk ni Mikopo hivyo unapochukua mkopo hakikisha unakuwa na nidhamu ya kutosha ya urejeshaji” Alisema RC Chalamila

Aidha RC Chalamila amesema serikali inaendelea kuweka mazingira bora na Rafiki ya uwekezaji katika sekta ya Benk ndio maana leo tunashuhudia maendeleo benk wakiongeza tawi jipya katika eneo hili la mbagala huu ni uthibitisho wa sera nzuri zilizowekwa na Serikali ya Jamhuri ya muungano wa Tanzania chini ya Rais mahiri Dkt Samia Suluhu Hassan.

Vilevile Mkuu wa Mkoa ameihakikishia benk hiyo usalama wa kutosha wakati wote na dhamila ya serikali ya mkoa ni kuweka kituo kikubwa cha polisi Mbagala ikiwa ni moja ya maandalizi ya kuelekea kufanya biashara Saa 24 ili kukuza uchumi wa wanambagala na Taifa kwa Ujumla

Mwisho  Mhe Chalamila alikabidhi mfano wa Hundi kwa baadhi ya wateja wa benk hiyo ikiwa ni kiashiria cha Benk kuanza kufanya kazi rasmi.