Sherehe za Mei Mosi 2017 katika Mkoa wa Dar es Salaam zafana

Posted on: May 1st, 2017

Wafanyakazi wa Mkoa wa Dar es Salaam waungana na Wafanyakazi wenzao Duniani kuadhimisha sherehe za Mei Mosi ambapo Kimkoa zimefanyika katika Uwanja wa Uhuru.

Sherehe hizo zilianza kwa maandamano ya wafanyakazi hao yaliyoanzia TUCTA Makao Makuu, Mnazi Mmoja kuelekea katika Uwanja wa Uhuru ambapo yalipokelewa na mgeni rasmi Mhe. Magreth Sitta (Mb).

Sherehe za mwaka huu zinaongozwa na kauli mbiu isemayo "UCHUMI WA VIWANDA UZINGATIE HAKI, MASLAHI NA HESHIMA YA WAFANYAKAZI". Kauli mbiu hii inazingatia utu wa wafanyakazi hasa katika kipindi hiki tunachoelekea katika mabadiliko makubwa ya uchumi wa viwanda dhana ambayo Tanzania ya viwanda inatuelekeza kuwa.