RC PAUL MAKONDA AZIDI KUBORESHA SEKTA YA AFYA DAR ES SALAAM

Posted on: August 29th, 2017

Mkuu wa Mkoa wa Dar es Salaam Mheshimiwa Paul Makonda leo ametembelea na kukagua Hospital ya kisasa ya Mama na Mtoto  iliyojengwa Chanika  ambayo ujenzi wake umekamilika.

Uwepo wa Hospital hiyo yenye viwango vya kisasa ni matokeo ya juhudi za Mheshimiwa Paul Makonda baada ya kuwatafuta wafadhili ambao ni Serikali ya Korea Kusini chini ya Shirika la KOICA.

Hospital hiyo itakuwa na uwezo wa kuchukuwa Vitanda 160 ambapo ndani yake kuna Vyumba vya kutosha vya Upasuaji, Maabara, Madaktari, Sindano, ICU, Wodi za Wajawazito na Watoto pamoja Nyumba za Watumishi.

Mhe. Makonda amesema Hospital hiyo itasaidia kwa kiasi kikubwa kutatua changamoto za Afya kwa wakazi wa Chanika ambao walikuwa wakisafiri umbali mrefu kufuata huduma Amana na wakati mwingine kinamana walikuwa wakijifungulia Njiani na wengine kupeteza Maisha.

Amewataka wauguzi kuhakikisha wanatoa huduma bora za Afya kwa Wagonjwa kwa kuepuka kuwatolea Wagonjwa lugha Chafu ilikuhakikisha Wananchi hawapati usumbufu wowote.

Katika hatua nyingine Mhe. Paul Makonda amesema kuwa amefanikiwa kupata mtu atakayetoa Mkopo wa Viwanja bila masharti magumu kwa watumishi ikiwemo Walimu, Askari,Wauguzi na Madakrari ilikuboresha Maisha yao.