RC Mkalla Amshukuru Rais Samia Kutoa Bilioni 3 Ujenzi Shule Mpya ya Wasichana DSM

Posted on: November 15th, 2022

Mkuu wa Mkoa wa Dar es salaam Mhe. Amos Makalla leo ametembelea na kukagua maendeleo ya Ujenzi wa Shule Mpya ya wasichana Dar es salaam inayojengwa kwenye Kata ya Kwembe Wilaya ya Ubungo ambapo amemshukuru Rais Samia kwa kutoa Shilingi Bilioni 3 za kufanikisha Ujenzi huo.

RC Makalla amesema Shule hiyo ya bweni itachukuwa Wanafunzi kuanzia kidato Cha kwanza mpaka kidato Cha sita

Katika ziara hiyo RC Makalla amepokea taarifa ya mwenendo wa Ujenzi huo ambao kwa mujibu wa Mkandarasi Ujenzi utakamilika na kukabidhiwa mwezi Disemba mwaka huu.

Aidha RC Makalla ameelekeza Halmashauri ya Ubungo kuanza maandalizi ya kuweka eneo la Shule kwenye Hali nzuri ikiwemo Ujenzi wa uzio, vigae kwenye sehemu za watembea kwa miguu na upandaji maua na miti ya kivuli.