RC Makonda Azindua Jezi Mpya za Timu ya Taifa

Posted on: June 12th, 2019

Mkuu wa Mkoa wa Dar es salaam ambae pia ni Mwenyekiti wa Kamati ya Ushindi ya Timu ya Taifa Stars Mhe. Paul Makonda leo amezindua Jezi mpya ya Timu ya Taifa ambapo amewaonya wale wenye tabia ya kuchapisha na kuuza jezi za bandia mitaani.

Akizindua Jezi hizo RC Makonda amesema jezi hiyo itakuwa ndio kielelezo na utambulisho wa Tanzania na itakuwa ikitumiwa na Timu zote za Taifa kwenye michuano mbalimbli.

Katika Jezi hizo alizozindua RC Makonda Jezi moja itakuwa kwa ajili ya mechi za ndani na nyingine itavaliwa pindi Tanzania inapocheza nje ya Nchi (away) ambapo amewaomba watanzania kununua kwa wingi jezi hizo na kuzivaa kama sehemu ya kuonyesha uzalendo na mapenzi na Tanzania.