RC Makalla: Tumeanza Rasmi Kampeni ya Usafi wa Fukwe

Posted on: March 19th, 2022

.

- Asema Baada ya hapo Mitaro na Mifereji yote itasafishwa.

- Ashiriki tukio la Usafi Fukwe za Coco.

- Awahimiza Wananchi kuendelea kusafisha maeneo yao.

Mkuu wa Mkoa wa Dar es salaam Mhe. Amos Makalla* leo ameshiriki zoezi la Usafi kwenye ufukwe wa Coco ambapo ameelekeza Fukwe zote kufanyiwa Usafi ili kuvutia na kuchochea Utalii wa fukwe.

Akizungumza wakati wa zoezi hilo, RC Makalla amesema Usafi huo utaambatana na Usafi wa kina kwenye Mitaro na mifereji yote kwa kushirikiana na TARURA.

Aidha RC Makalla ameendelea kutoa wito kwa Wananchi kufanya Usafi kwenye maeneo yao huku akiwasisitiza Wakandarasi kuhakikisha wanaondoa taka kwa wakati kwakuwa tayari Wananchi wamehamasika kufanya Usafi.

Katika tukio la Usafi wa Leo, kampuni ya michezo ya kubashiri ya Meridianbet wameshirikiana na RC Makalla na kutoa msaada wa Vifaa vya Usafi ambapo wameahidi kushirikiana bega kwa bega kufanikisha Zoezi la Usafi.

#SAFISHA PENDEZESHA DAR ES SALAAM

Baadhi ya matukio katika picha wakati wa usafi wa fukwe ya Coco beach Kinondoni Dar es salaam,mapema leo