RC Makalla, NMB Wakabidhi Ticket kwa Viongozi wa Machinga na Bodaboda

Posted on: February 3rd, 2023

-Ameishukuru Benki ya NMB kwa kuwezesha ticket za ndege kwa Viongozi 12 kwenda Rwanda ziara ya mafunzo

-Asema Rais Dkt Samia ametoa maelekezo maalum ya kulea makundi ya machinga na bodaboda

-Awataka wamachinga na bodaboda kutumia ziara hiyo kujifunza na kutangaza biashara

Mkuu wa Mkoa wa Dar es Salaam CPA Amos Makalla na Benki ya NMB leo Februari 03,2023 wamekabidhi ticket za ndege kwa Viongozi 12 kwenda Nchini Rwanda ziara ya mafunzo, makabidhino ya ticket hizo yamefanyika katika Ukumbi wa DMDP Ilala Jijini Dar es Salaam.

RC Makalla ameishukuru Benki ya NMB kwa kuwezesha ticket za ndege 12 kwa Viongozi 5 wa Machinga,5 wa Bodaboda na Wataalam wawili (2) kwenda na kurudi Ziara ya mafunzo Nchini Rwanda

Aidha RC Makalla amesema Viongozi hao wanatarajia kusafiri Februari 6,2023 na kurejea Dar es Salaam Februari 10, 2023 vilevile CPA Makalla amebainisha kuwa Rais Dkt Samia Suluhu Hassan ametoa maelekezo maalum ya kulea makundi ya machinga na bodaboda ambapo anachokifanya ni kutekeleza maono ya Mhe Rais.

Hata hivyo RC Makalla amesema kwa Mkoa wa Dar es Salaam Machinga na bodaboda wamekuwa wakishiriki kwa karibu na Serikali ya Mkoa katika mambo mengi ikiwemo kuwapanga vizuri wamachinga, usafi, na kuweka utaratibu mzuri wa bodaboda kutoka na kuingia mjini hivyo ziara ya mafunzo Nchini Rwanda itawaongezea maarifa zaidi ambayo yatausaidia Mkoa kupiga hatua zaidi katika mipango yake kama vile safisha pendezesha Dar es Salaam na kuwapanga vizuri wamachinga lakini pia kupanua fursa za kibiashara.

Sambamba na hilo CPA Makalla amewataka wamachinga na bodaboda kutumia ziara hiyo kujifunza na kutangaza biashara kwa kuwa Rwanda hutumia Soko la karikaoo kununua bidhaa mbalimbali ambazo wanakwenda kuziuza kwao