RC MAKALLA: AZINDUA RASMI NMB PESA AKAUNTI, HUDUMA KIDIGITALI

Posted on: December 14th, 2022

- Afurahishwa na Ubunifu wa Benki ya NMB
-Asema NMB wamekuja wakati muafaka ambapo watanzania wengi bado hawana Akaunti
- Awataka wananchi kutumia fursa hiyo kufungua NMB PESA AKAUNTI
-Asisitiza NMB kutoa huduma hiyo nchi nzima
Mkuu wa Mkoa wa Dar es Salaam Mhe Amos Makalla leo amezindua NMB pesa akounti hafla ambayo imefanyika katika kituo cha mabasi yaendayo mikoani cha Magufuli Mbezi-Ubungo Jijini Dar es Salaam.
RC Makalla akizindua huduma hiyo ya kidigitali amefurahishwa na ubunifu unaofanywa na NMB  wa kuwawezesha wananchi kupata huduma mbalimbali za kifedha kwa kufungua akaunti popote walipo kwa gharama nafuu na haraka pamoja na kufanya miamala hapohapo kupitia simu ya kiganjani na gharama ya kufungua Akaunti hiyo ni kuanzia Tsh 1000 tu gharama ambayo wananchi wengi wanaweza.
Aidha RC Makalla amesema NMB wamekuja na huduma hiyo kwa muda muafaka ambapo wananchi wengi hawana akaunti hivyo amewataka wananchi kutumia fursa hiyo adhimu kufungua NMB Pesa Akaunti pia amesisitiza huduma hiyo itolewe nchi nzima* kwa kuwa inafaida kwa wananchi
Kwa Upende wa NMB wamesema huduma ni rahisi inafanyika kwa haraka pasipo mteja kujaza fomu kama ilivyozoeleka, mteja atafungua akaunti popote alipo na ataweza kufanya miamala papohapo bila kutumia kadi ni kupitia simu  yoyote ile ya kiganjani na pesa atatoa kwa mawakala wa NMB walioko maeneo mbalimbali