RC Makalla Atimiza ahadi ya Kuwapeleka Viongozi wa Machinga Taifa Kigali Rwanda

Posted on: March 10th, 2023

- Awakabidhi Tiketi za Kwenda na Kurudi na pesa ya kujikimu.

- Asema Dhamira ya Serikali ya Rais Dkt. Samia ni kuwalea Bodaboda na Machinga.

- Awashukuru Bank ya NMB kwa kuunga mkono jitiada za Serikali ya Mkoa.

- April 02 ni zamu ya Wakuu wa Wilaya na Wakurugenzi wa Halmashauri.

Mkuu wa Mkoa wa Dar es salaam CPA. Amos Makalla Leo March 10 amekabidhi tiketi za Kwenda na kurudi kwa Viongozi wa Shirikisho la Machinga Taifa (SHIUMA) kwaajili ya safari ya Mafunzo Kigali Rwanda.

RC Makalla amesema Viongozi hao wataondoka Jumapili ya March 12 wakiongozana na Afisa mmoja kutoka ofisi ya Mkuu wa Mkoa ambapo amewashukuru Bank ya NMB kwa kufadhili safari hiyo.

Aidha RC Makalla amesema Viongozi hao wakiwa Nchini Rwanda watatembezwa maeneo mbalimbali kwa lengo la kujifunza namna wenzetu wamefanikiwa kwenye usafi jambo lililopelekea kushika nafasi ya kwanza kwa usafi Afrika ambapo Jiji la Dar es salaam lipo nafasi ya Sita.

Pamoja na hayo RC Makalla ametangaza kuwapeleka Wakuu wa Wilaya na Wakurugenzi Nchini Rwanda ifikapo April 02

Hata hivyo RC Makalla amesema mbali na kujifunza Usafi wakiwa Nchini Rwanda, pia watapata fursa ya kukutana na Wafanyabiashara wa Nchi hiyo kwaajili ya kutanua Wigo wa kibiashara na kujenga mashirikiano.

Kwa upande wake Meneja wa Bank ya NMB Kanda ya Dar es Salaam, Ndg.Donatus Richard ambao ndio Wafadhili wa safari hiyo wamesema Bank yao Itaendelea kushirikiana na Serikali na Mkuu wa Mkoa katika masuala mbalimbali ya Kijamii.

Nao Viongozi wa Machinga Taifa wamemshukuru RC Makalla kwa kuwafanikishia safari hiyo na wamemuahidi watatumia vizuri Elimu watakayoipata Nchini Rwanda kuboresha ufanyaji Biashara kwa kuhakikisha mji unapangika