RC Makalla Atangaza Ziara ya Kiserikali ya Mhe Rais Samia DSM

Posted on: March 21st, 2022

-Asema itakuwa ya Siku tatu na Mhe. Rais atazindua Miradi mbalimbali*

-Ampongeza Mhe. Rais ndani ya Mwaka mmoja  kuidhinisha kiasi kikubwa Cha pesa  kutekeleza Miradi mikubwa ya maendeleo*

-Atoa RAI kwa wananchi wa Dar es Salaam kujitokeza kwa wingi

- Mtendaji Mkuu wa TBA akiri kukamilika kwa nyumba hizo

Mkuu wa Mkoa wa Dar es Salaam Mhe. Amos Makalla leo tarehe 21 Marchi 2022 ametangaza ziara ya Mhe. Rais wa Jamhuri ya Muungano wa Tanzania Samia Suluhu Hassan katika Mkoa wa Dar es Salaam

Mhe. Makalla amesema kuwa ziara ya Mhe. Rais Samia itakuwa ya Siku tatu katika Mkoa wa Dar es Salaam na atazindua Miradi mbalimbali ikiwemo Kushiriki katika Kilele Cha Wiki ya Maji - Mlimani City tarehe 22 Marchi 2022,  atazindua Mradi wa Nyumba za Magomeni Kota tarehe 23 Marchi 2022* na kuzindua  Daraja la Tanzanite ( Salender Bridge) tarehe 24 Marchi 2022

Hata hivyo Mkuu wa Mkoa amepongeza Mhe. Rais Samia kwa kufikisha Mwaka mmoja madarakani huku akiwa ameidhinisha kiasi kikubwa Cha Fedha kutumika katika Miradi mbalimbali ya kimaendeleo ambayo Taifa linajivunia kwa sasa

Mhe. Makalla ametoa RAI kwa wananchi wa Dar es Salaam kujitokeza kwa wingi kumuunga Mkono Rais wetu katika maeneo ya Miradi yote atakayozindua

Naye Mtendaji Mkuu wa TBA Arch. Daudi Kondoro amekiri kukamilika kwa Mradi wa nyumba za Magomeni Kota utakaokuwa na nyumba za Makazi 644 na vizimba 186 kwa Wamachinga viitwavyo"Machinga Centre"

#JAMHURI YA MUUNGANO WA TANZANIA -  KAZI IENDELEE#