RC Makalla Apokea Mwenge wa Uhuru 2021, Miradi zaidi ya 46 Kukaguliwa Dar.

Posted on: August 18th, 2021

Mkuu wa Mkoa Mhe Amos Makalla akiongea wakati wa Mapokezi ya Mbio maalum za Mwenge wa Uhuru uwanja wa Ndege wa Mwl Jk Nyerere Teminal 1.

Mkuu wa Mkoa wa Dar es Salaam Mhe Amos Makalla leo amepokea mbio maalum za Mwenge wa Uhuru katika uwanja wa Ndege wa Mwl JK Nyerere Terminal 1 ukitokea Mkoa wa Pwani.

Akipokea Mwenge wa  Uhuru kutoka kwa Mhe Abubakar Kunenge Mkuu wa Pwani , Mhe Amos Makalla  amesema Mwenge wa  Uhuru  utakimbizwa umbali wa KM 355.6 ukizindua na kuweka jiwe la msingi katika  miradi ya Maendeleo  ipatayo 46 iliyokamilika na iliyoko katika hatua za utekelezaji  yenye thamani zaidi ya  Bilioni 105

Baada ya kukimbizwa katika Wilaya zote za Mkoa wa Dar es Salaam, Agosti 23, 2021 Mwenge wa Uhuru utakabidhiwa katika Mkoa wa Lindi.

Aidha Mhe Mkuu wa Mkoa amekabidhi Mwenge wa Uhuru Wilaya ya Ilala tayari kwa kuanza kukimbizwa ndani ya Wilaya za Mkoa wa Dar es Salaam.