RC Makalla Apokea Mpango kazi wa Utekelezaji wa Zoezi la Anwani za Makazi DSM

Posted on: February 15th, 2022

- Apongeza na kusema Dsm inakwenda kuongoza katika Anwani za Makazi

-Afafanua Umuhimu wa Anwani za Makazi

-Amshukuru Rais Samia kwa kutoa Bilioni 28 kufanikisha Hilo na kuwataka Wakurugenzi kumaliza kazi hiyo kwa Fedha za ndani inapobidi

-Asema kikao cha Kuwajengea uelewa wananchi kufanyika tarehe 16-02-2022

-Kwa upande wa Kamisaa wa Sensa Mhe. Anna Makinda apongeza DSM na Kuomba Ushirikiano

-Mkurugenzi Msaidizi Wizara ya Habari Bi. Caroline Kanuti asema Wizara itaendelea kutoa Ushirikiano

Mkuu wa Mkoa wa Dar es Salaam Mhe. Amos Makalla leo tarehe 15 Februari 2022 amepokea taarifa ya Mpangokazi wa  Utekelezaji wa zoezi la Anwani za Makazi  katika Ukumbi wa Anatouglo Jijini Dar es Salaam linalotarajia kufanyika hivi karibuni

RC Makalla apongeza Taarifa hizo alizozipokea kutoka kwa Wakurugenzi wote na kusema Dar es Salaam haijawahi kushindwa Jambo lolote hivyo hata katika hili la Anuani za Makazi inakwenda kuwa Kinara kwani sababu zote za kuongoza tunazo kwani huu ndio Uso na njia kubwa na Mji wa Mfano

Mkuu wa Mkoa amefafanua kuwa Anuani za Makazi ni muhimu kwani itasaidia Sana katika utatuzi wa migogoro ya Ardhi, Kuimalisha Usalama, Kujua idadi ya makazi na Urahisi wa Kufikika

Hata hivyo Mhe. Makalla amemshukuru Rais wa Jamhuri ya Muungano wa Tanzania *Samia Suluhu Hassan* kwa kutoa kiasi Cha Shilingi Bilioni 28 kufanikisha suala la Anwani za Makazi na kuwataka Wakurugenzi wote kumaliza kazi hiyo kwa Fedha za ndani inapobidi

Wakati huo huo Mkuu wa Mkoa amesema kuwa kesho tarehe 16 Februari 2022 atakuwa na Mkutano Mkubwa katika Ukumbi wa Mwl. Nyerere Posta wa Kuwajengea Uelewa Wananchi juu ya Anwani za Makazi

Kwa upande wa Kamisaa wa Sensa Mhe. Anna Makinda amepongeza juhudi za Mkoa wa Dar es Salaam na kusema Anwani za Makazi zina Uhusiano na Sensa ya Majengo na Makazi hivyo Kuomba Ushirikiano

Naye Bi. Caroline Kanuti Mkurugenzi Msaidizi kutoka Wizara ya Habari Amesema Wizara ya Habari imefanikiwa kutoa Elimu na Uelewa katika Halmashauri zote nchini hivyo Wizara itaendelea kutoa Ushirikiano katika kufanikisha Jambo hili

Ikumbukwe kuwa zoezi hili la Anwani za Makazi linatakiwa kukamilika Kitaifa Mwezi wa Tano ambapo Mkuu wa Mkoa wa Dar es Salaam amelitaka kukamilika kwa Mkoa wake Mwezi wa Nne