RC Makalla Apiga Marufuku Biashara kwenye Barabara ya Mwendokasi Mbagala

Posted on: January 28th, 2023

- Asema ni Hatari kiusalama, zinasababisha ajali na kukwamisha Mkandarasi kutekeza majukumu.

- Ampongeza Rais Dkt. samia kuridhia kujenga mwendokasi mbagala - Vikindu phase 6.

- Awataka wananchi kupanda miti Na kuweka bustani katika nyumba zao ili kuifanya DSM ya kijani.

Mkuu wa Mkoa wa Dar es salaam Mhe. Amos Makalla Leo amefanya Zoezi la usafi *Wilaya ya Temeke eneoa la Mbagala ambapo amepiga marufuku ufanyaji Biashara kwenye  ujenzi wa Barabara ya mwendokasi na maeneo yaliyokatazwa.

RC Makalla ametumia Zoezi Hilo kuwakumbusha Wananchi na Viongozi kuanzia ngazi ya mtaa hadi Wilaya kuhakikisha wanasimamia usafi Kila jumamos ya mwisho wa mwezi.

Aidha RC Makalla amewaelekeza Wakurugenzi kusimamia Wakandarasi kuondosha taka kwa wakati na Wakandarasi watakaoonyesha kulegalega wasipatiwe mkataba.

Pamoja na hayo RC Makalla amewapongeza Wananchi kwa mwamko Mkubwa wa kufanya usafi jambo lililopelekea Jiji la Dar es salaam kushika nafasi ya Sita kwa usafi Barani Afrika na kuondosha magonjwa ya mlipuko ikiwemo kipindipindu.

Kwa mujibu wa Mwenyekiti wa Machinga Mkoa wa Dar es salaam, zaidi ya shilingi bilioni 3.2 zimetolewa kama  mkopo kwa Wafanyabiashara Wanaofanya biashara kwenye Maeneo Rasmi na kutoa wito kwa Wafanyabiashara wengine kuacha kufanya biashara holela.