RC MAKALLA: AKAGUA MIRADI YA MAJI YA ZAIDI YA BILIONI 75 MBWENI, TEGETA 'A' NA MSHIKAMANO-UBUNGO

Posted on: December 2nd, 2022

- Amshukuru Rais Dkt Samia Suluhu Hassan kwa msukumo wake kuridhia kutoa fedha kukamilisha miradi hiyo ya maji

- Atangaza Disemba 15 maji yataanza kupatikana rasmi katika maeneo hayo

-Awataka wakazi wa maeneo hayo kuchangamkia fursa ya kuunganishwa maji

-Aagiza DAWASA  kuhamasisha wananchi kuunganishiwa maji na kuzingatia muda alioutoa kwa wakazi kupatiwa maji

- DAWASA watoa offer kwa wateja wa maji kukopeshwa malipo badae Mkuu wa Mkoa wa Dar es Salaam Mhe Amos Makalla leo ametembelea na kukagua miradi ya maji ya zaidi ya Bilioni 75 ambayo itawanufaisha wakazi wa Goba, Tegeta, Wazo, Bunju, Mabwepande na Mapinga ambao kwa Kipindi kirefu walikua wana changamoto ya Maji.

RC Makalla amekagua Ujenzi wa matenki yenye uwezo wa kuhifadhi maji lita milioni 6 na pampu za kisasa, hivyo kuwezesha maji kuwa na "pressure" ya kutosha pale yanaposambazwa kwa wananchi.

Aidha RC Makalla amemshukuru Rais Mhe Dkt Samia Suluhu Hassan kwa msukumo wake wa kuridhia kutoa fedha ambayo imewezesha Kufanikisha kukamilika kwa miradi hiyo ya maji

Hata hivyo RC Makalla ametangaza ifikapo Disemba 15 mwaka huu maji yataanza kupatikana hivyo amewataka wananchi na wakazi wa maeneo hayo kuchangamkia fursa ya kuunganishwa maji.

Vile vile ameagiza DAWASA kuendelea kuhamasisha wananchi kupitia Idara yao ya Mawasiliano kwa Umma ili wananchi waweze kuunganishiwa maji katika kaya zao, waepukane na kadhia waliyokuwa wanaipata kwa muda mrefu

Kwa Upande wa Mtendaji Mkuu wa DAWASA Mhandisi Cyprian Luhemeja amesema Wananchi watakao hitaji kuunganishiwa maji sasa watakopeshwa malipo yatafanywa kidogo kidogo kwa Kipindi cha mwaka wanachotakiwa sasa kupeleka maombi katika Ofisi za DAWASA zilizoko karibu nao