RC Makalla akabidhi zawadi za Sikukuu za Mwisho wa Mwaka 2022 kutoka kwa Rais wa JMT Mhe Dkt SSH katika Kituo cha UMRA Orphanages Center-Temeke

Posted on: December 22nd, 2022

RC Makalla akitoa salamu za Sikukuu za mwisho wa mwaka 2022 kutoka kwa Rais wa JMT Dkt SSH

- Asema Rais Dkt Samia anawapenda watoto wenye uhitaji amenituma niwape salamu za Sikukuu za mwisho wa mwaka 2022

-Amshukuru mmiliki wa kituo cha UMRA ORPHANAGE CENTER kwa kulea watoto wenye uhitaji

Akabidhi bidhaa mbalimbali za Sikukuu ikiwemo Mbuzi 2, Mafuta ya Kupikia, Mchele, Sukari, Juice na Maharage

Awatakia wakazi wa DSM heri ya Christmas na Mwaka mpya 2023 asema DSM ni Salama hakuna panya Road

Mkuu wa Mkoa wa Dar es Salaam Mhe Amos Makalla leo amekabidhi zawadi za sikukuu za mwisho wa mwaka 2022 kutoka kwa Rais wa Jamhuri ya Muungano wa Tanzania Mhe Dkt Samia Suluhu Hassan katika kituo cha UMRA Orphanage Center - Temeke Jijini Dar es Salaam.

RC Makalla akiwa katika kituo hicho amesema Rais Dkt Samia anawapenda watoto wenye uhitaji amenituma nije kuwapa salamu za Sikukuu za christimas na mwaka mpya 2023 ikiwa ni upendo wake kwao kula Sikukuu pamoja nao.

Hata hivyo RC Makalla amemshukuru mwenye Kituo cha UMRA Orphanage Center Bi Rahma kwa moyo wa upendo wa kulea watoto hao wenye uhitaji.

Aidha RC Makalla amekabidhi zawadi mbalimbali katika kituo hicho ikiwemo Mbuzi 2, Mchele, Sukari, Mafuta ya Kupikia, Maharage na Juice ambapo mlezi wa kituo na watoto kwa umoja wao wamemshukuru na kusema wanamuombea kwa Mungu ampe afya bora Rais Mhe Dkt Samia Suluhu aendelee kuongoza Taifa la Tanzania

Sambamba na hilo RC Makalla amewatakia wakazi wa DSM heri ya Christmas na Mwaka mpya washerekee kwa amani DSM ni Shwari na Salaama hakuna Panya Road tena