RC Makalla Aipongeza China Dasheng Bank

Posted on: October 13th, 2021

- Asema Benki hiyo imepata mafanikio makubwa kwa Kipindi kifupi

- Ashuhudia fursa za ajira za vijana wazawa katika Benki hiyo

- Asisitiza Umuhimu wa NGUVU YA HUDUMA katika biashara

Mkuu wa Mkoa wa Dar es Salaam Mhe Amos Makalla leo Octoba 13, 2021 ameshiriki hafla ya Wiki ya Huduma kwa Wateja katika China Dasheng Bank iliyoko jengo la TTCL Posta - Ilala, Dar es Salaam.

Akiwa katika hafla ya Wiki ya Huduma kwa Wateja ya Benki hiyo Mhe Makalla alipata wasaa kusikia taarifa ya Benki hiyo toka ianzishwe.

Akitoa taarifa hiyo Mkurugenzi Mtendaji Bwana Chiwalo amesema Benki hiyo ilianza rasmi *Novemba 2018 hadi sasa Benki ina miaka 2 na mienzi 10

China Dasheng Bank imeanzishwa na wanahisa 6  wawili ni kampuni ya Umma ya watu wa China na wanne ni Kampuni binafsi ya watu wenye asili ya China.

Benki hiyo kwa kipindi cha miaka 2 na mienzi 10 imeweza kupata faida ya Bilioni 5 na imewekeza Bilioni 112 na inauwezo wa kukopesha mteja hadi Bilioni 23.

Baada ya kupokea taarifa hiyo Mkuu wa Mkoa wa Dar es Salaam ameipongeza Benki hiyo kwa mafanikio makubwa yaliyopatikana ndani ya muda mfupi.

" Unaposikia faida ya Bilioni 5 ambayo Benki imepata maana yake Serikali imeshapata mapato ambayo ndiyo yanasaidia kutekeleza miradi ya maendeleo, cha kufurahisha Benki hii pia imeajili vijana wa kitanzania na unaendelea kuajili hivyo niwapongeze sana " Alisema Mhe Makalla

Mhe Makalla ameitaka Benki hiyo kuitumia vizuri falsafa ya NGUVU YA HUDUMA ili kuendana na kasi ya ushindani wa biashara za kibenki katika Nchi lakini kwa kufuata kanuni na miongozo ya Benki kuu ya Tanzania (BOT)

Aidha Mkuu wa Mkoa amesema Serikali ya Jamhuri ya Muungano wa Tanzania chini ya Rais Mhe Samia Suluhu Hassan imejipambanua kuweka mazingira wezeshi kwa wawekezaji na wafanyabiashara na Mkoa wa Dar es Salaam kwa kuwa ndio Mkoa wa Kibiashara amewahakikishia kuendelea kuweka mazingira wezeshi kwa wafanyabiashara na wawekezaji.

Ikiwemo kuondoa urasimu, kuwa na Kodi rafiki, Rushwa, miundombinu mbinu rafiki pamoja Usalama wa Uhakika wakati wote.

Mhe Makalla amebainisha wiki ya Huduma kwa Wateja ni fursa ya kipekee kwa Benki hiyo kukutana na Wateja kusikiliza maoni yao na ushauri juu ya Huduma zinazotolewa na kuweza kuboresha ili kukidhi matakwa ya Wateja hatimaye kupanua wigo wa biashara za kibenki