RC KUNENGE Afanya Ziara ya Kutatua Kero za Wananchi Pugu

Posted on: August 10th, 2020

Mkuu wa Mkoa wa Dar es salaam Mhe. Abubakar Kunenge leo tarehe 10  Agosti,2020 amefanya ziara ya kusikiliza na kutatua kero za wananchi wa Pugu Stesheni ambapo ameahidi kuzipatia ufumbuzi kero mbalimbali zinazowakabili wananchi hao.

Katika ziara hiyo RC Kunenge amepokea changamoto mbalimbali zikiwemo za Elimu, Miundombinu, Maji, Umeme, Afya, migogoro mbalimbali ya Ardhi na changamoto za Kisheria ambapo zipo alizotatua papo kwa papo na nyingine kuzipatia utatuzi kwa kuwataka watendaji kuhakikisha wanazishughulikia Mara moja.

Kwenye ziara hiyo RC Kunenge aliambatana na watendaji mbalimbali wa Mkoa akiwemo Katibu Tawala wa Mkoa, Wakuu wa idara pamoja na Viongozi wa Wilaya ya Ilala.