RC Chalamila Wazee ni Tunu Serikali ya Mkoa Inatambua Umuhimu Wenu.

Posted on: October 19th, 2023

Mkuu wa Mkoa wa Dar es Salaam Mhe Albert Chalamila leo Oktoba 19,2023 amekutana na kufanya mazungumzo na wazee wa Mkoa huo ikiwa ni utaratibu aliojiwekea wa kukutana na Wazee hao kuwasikiliza na kuzipatia majawabu kero na Changamoto wanazokutana nazo katika maisha yao ya kila siku.

Akiongea na Wazee hao katika Ukumbi wa Mikutano Iddy Nyundo Manispaa ya Temeke RC Chalamila amesema Wazee ni tunu hakuna anayepinga hata sisi Viongozi tunaongozwa na busara za Wazee, Wazee wakikengeuka vijana watakua katika hatari zaidi ya kupotoka kimaadili hatimaye kuwa na Taifa la watu wa ovyo.

Hivyo "Niwaombe Wazee wa DSM kwanza kuwa Kielelezo kizuri cha kuhakikisha mnakuwa pamoja na Mhe Rais Dkt Samia pia kuwa Kielelezo cha Sala na Dua ambayo itawezesha kutambua baya na jema kwa masilahi mapana ya watu walio wengi na Taifa". Alisema RC Chalamila

Aidha RC Chalamila amesema anatambua kuwa wazee wanachangamoto nyingi ambazo kwa siku ya leo ni vigumu kueleza zote amewahakikishia yeye na walio chini yake watakuwa watumishi wao nyakati zote, hivyo siku za karibuni atatoa ratiba ya kuzungumza na wazee wa Mkoa huo kwa muda mrefu zaidi ili kila mmoja apate nafasi ya kuzungumza.

Sambamba na hilo amewataka kuwa wasuluhishi wazuri, pia vijana waelimishwe kutafuta fursa, kuthubutu na sio kulalamika, Rais Dkt Samia ameendelea kuifungua nchi wawekezaji wengi wanakuja vijana watumie fursa hiyo vizuri.

Mwisho Wazee wamemshukuru RC Chalamila kwa kuwa kiongozi wa kipekee ambaye anathmini Wazee pia wamemshukuru Rais Dkt Samia Suluhu kwa kumteua kuwa Mkuu wa Mkoa huo amekua faraja kubwa kwao, na wanaimani nae kubwa katika kutatua kero zao ikiwemo kupatiwa bima ya afya na kuwa na dirisha maalum Hospitalini vilevile wapatiwe maeneo maalum katika kila Wilaya ambayo Wazee watakutana kwa lengo la kujenga umoja miongoni mwao.