RC Chalamila Wawekezaji Wakubwa Karibuni Dar,Nafasi Zipo

Posted on: February 26th, 2024

Mkuu wa Mkoa wa Dar es Salaam Mhe Albert Chalamila ameyasema hayo leo Februari 26, 2024 wakati akikagua maradi wa Soko kubwa la kisasa la kimataifa maarufu kwa jina la East Africa Logistics Center uwekezaji unaofanywa na raia wa China katika eneo la Ubungo bus Terminal ya zamani Jijini Dar es Salaam.

RC Chalamila akiwa katika muendelezo wa ziara yake ya kukagua miradi ya maendeleo na kusikiliza kero katika jimbo la Ubungo mapema leo alianza na Hospitali ya Wilaya Ubungo , Shule ya Sekondari NHC na Mradi wa Ujenzi wa Soko kubwa la Kisasa Ubungo ambapo alipata fursa ya kusikiliza wasilisho la mradi huo ambao unatarajiwa kukamilika July, 2024

Mhe Mkuu wa Mkoa Alisema uwekezaji unaofanyika katika eneo la Ubungo unakwenda kufungua fursa za kibiashara, ajira, hivyo amemshukuru Rais Dkt Samia Suluhu Hassan kwa kuridhia uwekezaji huo kwa masilahi mapana ya umma

" Ninachoweza kusema Mkoa bado unanafasi za uwekezaji mkubwa kama huu hivyo niwakaribishe sana nchi ina amani na utulivu wa kisiasa" Alisema RC Chalamila

Aidha RC Chalamila akiwa katika shule ya Sekondari NHC- Ubungo ameweka jiwe la msingi jengo la utawala na kuongea na wanafunzi pamoja na walimu ambapo amewataka kuchapa kazi kwa bidii na wanafunzi wasome kwa bidii kwa kuwa Mhe Rais Dkt Samia amekuwa mstari wa mbele kufanya maboresho makubwa katika sekta ya Elimu.

Sambamba na hilo RC Chalamila amesikiliza kero za wananchi wa jimbo la Ubungo katika viwanja vya Barafu Mburahati na kuzipatia majawabu papo hapo

Mwisho RC Chalamila anatarajia kuendelea na ziara yake katika Wilaya ya Kigamboni machi 2-3,2024 kukagua miradi ya maendeleo na kusikiliza kero za wananchi.