RC Chalamila Watimishi Mnabeba Sura na Taswira ya Mkuu wa Nchi na Kupeleka chini kwa Wananchi

Posted on: March 21st, 2024

 - Asema ni muhimu kutoa huduma nzuri na bora kwa wananchi, upendo,  mshikamano na kufanya kazi kwa bidii

Mkuu wa Mkoa wa Dar es Salaam Mhe Albert Chalamila amesema hayo leo Machi 21,2024 katika kikao kazi na Watumishi wa Serikali kuu katika Mkoa huo ikiwa ni muendelezo wa kumtambulisha katibu Tawala wa Mkoa huo ambaye amehamia kutoka Mkoa wa Kagera.

RC Chalamila amesema kila mtumishi anapotekeleza majukumu yake atambue kuwa amebeba sura na taswira ya mkuu wa nchi ambaye ni Rais Dkt Samia Suluhu Hassan ambayo inakwenda moja kwa moja chini kwa wananchi hivyo ni vizuri kutoa huduma nzuri na kufanya kazi kwa bidii ili pasiwe na mwananchi hata mmoja anayeilalamikia Serikali kwa huduma mbovu au kukosa huduma yoyote.

Aidha RC Chalamila amewataka wakuu wa idara na vitengo kutojifungia milango watumishi wawe huru kushauri na kutoa mawazo kwa masilahi mapana ya wananchi hususani wa mkoa huo.

Vilevile Mhe Mkuu wa Mkoa ametoa maelekezo ya mgawanyo wa OC fedha ambazo zinaletwa na Serikali kila mwezi kugawanywa kwa kuzingatia bajeti lakini pia watumishi wa ngazi za chini wapewe kipaumbele ili kupunguza manung'uniko ya watumishi.

Sambamba na hilo RC Chalamila amewataka watumishi wote kujiandaa kwa uchaguzi kwa kutambua ndio wenye wajibu wa kuleta uangavu wa chama kwa kuwa wanapotoa huduma nzuri na bora kwa wananchi wanakuwa na imani na Chama chao hivyo inapofika wakati wa uchaguzi njia inakuwa nyeupe.

Mwisho RC Chalamila amesistiza umuhimu wa upendo, ushirikiano na mshikamano mahala pa kazi ili kuleta ufanisi wa kazi ya kuhudumia wananch