RC Chalamila Kuchunguza uhalali wa Utitiri wa Vituo vya Mabasi Dar

Posted on: June 27th, 2023

Mkuu wa Mkoa wa Dar es Salaam Mhe Albert Chalamila ameahidi kujiridhisha na uhalali wa kuwepo kwa vituo vidogo vidogo vya mabasi katika Jiji la Dar es Salaam ambavyo hupelekea mabasi ya abiria yaendayo Mikoani kutopita kushusha na kupakia abilia katika Stendi kuu ya mabasi "Magufuli Bus Terminal" Mbezi mwisho

RC Chalamila amefikia hatua hiyo kufuatia malalamiko yaliyotolewa na wadau, wajasiriamali na wafanyabishara wanaofanya biashara katika kituo cha mabasi yaendayo Mikoani Magufuli, wakati alipotembelea kituo hicho na kupata wasaa wa kusikiliza kero zao.

Aidha miongoni mwa malalamiko yaliyotolewa ni Stendi hiyo kutokukusanya mapato ipasavyo, wafanyabishara kutokufanya biashara vizuri ambapo kuna uwezekano mkubwa kufikia hatua ya kushindwa kulipa Kodi kwa wale waliopanga fremu katika Stendi hiyo.

Kwa upande wa Wafanyabishara wadogo nao wamesema wanakosa wateja kwa kuwa magari mengi yanayoenda mikoani hayapiti kushusha abilia wala kupakia kitendo ambacho kinasababisha kuwepo kwa idadi ndogo ya watu.

Hivyo RC Chalamila amesema stendi ya Magufuli imejengwa kwa gharama kubwa lazima hatua za haraka zichukuliwe kunisuru stendi hiyo ili iwe na tija