RC Chalamila Aungana na Benki ya CRDB Kufanya Mazoezi

Posted on: July 11th, 2023

Mkuu wa Mkoa wa Dar es Salaam Mhe Albert Chalamila leo Julai 11, 2023 ameongoza wafanyakazi wa Benki ya CRDB, wabia wa Benki ya CRDB Marathon, na Jogging club za Mkoa huo kufanya mazoezi kuanzia  CRDB HQ hadi Green ground

Akiongea baada ya matembezi na mazoezi hayo RC Chalamila amewataka washiriki na wananchi wa Mkoa huo kutumia Benki ya CRDB kuhakikisha wanafungua akaunti na kufanya miamala, kukisajili kwa wingi CRDB Marathon na kushiriki, kwa kuwa Benki hiyo imekuwa ikitumia mapato yanayopatikana katokana na Marathon  kuboresha miundo mbinu ya Afya na kuwahudumia wanawake na watoto hivyo kuchangia kwa kiasi kikubwa katika kuinua uchumi na ustawi wa jamii

Aidha Mhe Chalamila ameeleza umuhimu wa kufanya mazoezi ikiwa ni njia moja wapo ya kujikinga na magonjwa yasiyoambukiza amabayo kwa siku za hivi karibuni yamekuwa yakiwaathiri watu wengi, lakini pia ni vizuri kuwa na bima ya Afya.

Sambamba na hilo kwa upande wa mtendaji mkuu wa Benki ya CRDB Ndg Abdulmajid Nsekela amesema Benki hiyo imekua ikiandaa matembezi hayo mara kadhaa na fedha zinazopatikana hupeleka kuboresha huduma za Afya kwa mfano tayari pesa hizo zimewezesha kufanyika kwa upasuaji wa watoto wadogo wenye matatizo ya moyo, Kujenga kituo cha Mawasiliano Ocean Road, na kuwasaiadia akina mama na watoto CCBRT hususani akina mama wenye matatizo ya fistula.

Vilevile kupitia Marathon ya Sasa wamepanga kukusanya zaidi ya Bilioni 2, kwa kuwa Benki hiyo inathamini mambo ya Muungano inatarajia kwenda kujenga Kituo cha Afya Zanzibar