RC Chalamila Atoa Taarifa ya Awali ya Uchunguzi wa Chanzo cha Moto Mwenge

Posted on: December 7th, 2023

Mkuu wa Mkoa wa Dar es Salaam Mhe Albert Chalamila leo Decemba 07, 2023 akiwa katika eneo la Mwenge amabalo janga la moto lililotokea na kusababisha kuungua kwa maduka 32 ametoa taarifa ya awali ya uchunguzi wa chanzo cha moto huo ambacho ni kijana mmoja wa kawaida kabisa ambaye alichoma duka moja la Nely Mabegi hatimaye moto ukasambaa kwenda maduka mengine na kusababisha hasara kubwa kwa wafanyabishara wa maduka hayo.

RC Chalamila amesema Jeshi la polisi linamshikilia kijana huyo na kuendelea na Uchunguzi ili kuweza kubaini mnyonyoro mzima wa wahusika, wakibainika wote wafikishwe mahakamani sheria ichukue mkondo wake.

Aidha RC Chalamila amewataka wafanyabishara hao kuwa watulivu Serikali inafanya kazi yake kwa weledi mkubwa ambapo amelishukuru jeshi la polisi, na vyombo vingine vya dora kwa kazi nzuri

Kwa upande wa Mkuu wa Wilaya ya Kinondoni Mhe Saad Mtambule amemshukuru Mhe mkuu wa Mkoa kwa maelekezo yake ambapo Ofisi yake ya Wilaya ya Kinondoni imemhakikishia kupokea maagizo na kuyatekeleza kwa mslahi mapana ya Umma.