RC Chalamila Atoa Rai kwa Viongozi wa Dini Kuiombea Serikali

Posted on: October 25th, 2023

Mkuu wa Mkoa wa Dar  es Salaam Mhe Albert Chalamila amesema Serikali  inategemea maombi ya Viongozi wa Dini, kupitia Sala na Dua za Viongozi wa Dini na Wachungaji ndipo tunapata Viongozi wa Serikali wenye hofu ya Mungu.

RC Chalamila amesema hayo mapema leo Oktoba 25,2023 katika Kongamano la Siku tatu (3) la Viongozi wa Dini na Wachungaji wa makanisa ya Kipentekoste Mbezi Beach kwa Zena Wilaya ya Kinondoni Jijini Dar es Salaam.

Mhe Albert Chalamila akiwa katika Kongamano hilo kwa niaba ya Rais wa Jamhuri ya Muungano wa Tanzania Dkt Samia Suluhu Hassan  amesema Mhe Rais yuko nje ya nchi alitamani awepo na nyinyi  leo, "amenituma nije kwa ajili yake anawasalimu sana Pia anawatakia Kongamano jema  lenye mafanikio, Serikali iko pamoja nanyi" Alisema Chalamila

Aidha Mhe  Mkuu wa Mkoa amesema Kongamano hilo liwe kuchocheo cha kuwafanya Viongozi wa Dini na Wachungaji kujiimarisha katika Uinjilishaji, kuongoza kwa haki,  usuluhishi na utatuzi wa migogoro, kuubiri neno na kuliishi na mengine mengi yanayofanana na hayo. " Niwaombe wakati wote kuendelea kuiombea Serikali hasa pale inapokua na dhamira njema katika uwekezaji saa nyingine huchelewa kutafsirika vizuri kwa watu ndipo wale wenye nia ovu kwa Serikali hupata nafasi ya kupotosha" Amesistiza RC Chalamila

Mwisho Askofu wa Kanisa hilo Stella mate amemshukuru Mkuu wa Mkoa kwa kushiriki nao katika kongamano hilo ambapo amemuomba kupeleka Salamu za shukrani kwa Mhe Rais pamoja zawadi ya tuzo na vitabu kwa ajili ya Rais Dkt Samia Suluhu vilevile RC Chalamila amepatiwa tuzo na vitabu pia.