Posted on: February 5th, 2024
Mkuu wa Mkoa wa Dar es Salaam Mhe Albert Chalamila leo Februari 5,2024 amefanya ziara katika Daraja la Msumi na Mbopo ambayo yaliathiriwa kwa sehemu kubwa Kipindi cha mvua na kuwatoa hofu wakazi wa maeneo hayo ambapo amesema Serikali iko kazini adhima ya Mhe Rais Dkt Samia Suluhu Hassan ni kuondoa kero mbalimbali kwa wananchi hususani za miundombinu ya barabara.
RC Chalamila akiongea na Wananchi wa Msumi amesema kufuatia mvua zilizo kuwa zikinyesha zaidi ya madaraja 13 yaliathiriwa na mvua hizo, Serikali imeendelea kufanya kazi usiku na mchana kurudisha maeneo hayo yaliyoathirika katika hali ya awali ambapo wananchi sasa wanaweza kupita
Lakini yako madaraja kama la Msumi Serikali iko kwenye hatua ya kujenga upya lakini ili Shughuli za kibinadamu ziweze kuendelea naelekeza mara kujengwa kwa njia ya dharula ikiwa ni hatua ya awali wakati maandalizi ya kujenga daraja la kudumu yanaendelea.
"Nitoe rai kwa wananchi kuacha mara moja kujenga kwenye mabonde na mikondo ya maji pia kutofanya Shughuli za kibinadamu kando kando ya mito" Alisisitiza RC Chalamila
Aidha RC Chalamila alipata wasaa wa kuwasikiliza wananchi kero zao ambazo alizipatia majibu papo hapo na kuahidi wiki ijayo anatarajia kufanya Ziara kubwa katika Wilaya zote za Mkoa ambapo atakagua miradi na kusikiliza kero za wananchi hivyo wakae mkao wa kula Serikali yao iko kazin
Ofisi ya Mkuu wa Mkoa
Anuani ya Posta: S.L.P. 5429
Simu ya mezani: +255 22 2203158
Simu ya mkononi: +255 22 2203156
Barua pepe: ras@dsm.go.tz
