RC Chalamila Ataka Watalam DSM kuwa na Vikao vya Pamoja vya mara kwa mara

Posted on: June 12th, 2023

- Asema Taasisi kama TARURA, TANROAD, TANESCO, DAWASA, TRC zikiwa zinakutana na kufanya vikao vya pomoja Utekelezaji wa majukumu utakua na ufanisi zaidi

- Aagiza kuwekwa mikakati ya haraka ya muda mfupi na mrefu ya kuondoa Changamoto za kutuama kwa maji nyakati za mvua

Mkuu wa Mkoa wa Dar es Salaam Mhe Albert Chalamila leo Juni 12, 2023 amefanya ziara ya kukagua maeneo yanayotuama maji nyakati za mvua katika Barabara za Jiji hilo

RC Chalamila akiwa eneo Gold Star Kamata amejionea eneo ambalo maji hutuama kwa wingi na kupata wasaa wa kusikiliza maelezo kutoka kwa wataalam (Wahandisi) wa DAWASA, TANROAD

Aidha RC Chalamila amesema Taasisi hizo zinategemeana katika Utekelezaji wa majukumu yake hivyo  vema kuwa na vikao vya mara kwa mara vya pamoja ili kuleta ufanisi zaidi.

RC Chalamila amesema siku hizi kuna mabadiliko ya tabia ya nchi tusipojiweka vizuri hali inaweza kuwa mbaya zaidi kwa upande wa barabara amesistiza nguvu ielekezwe kwenye barabara zinazotumiwa na watu wengi kwa kuwa ameona baadhi ya barabara zimechimbika ambazo ndizo muda wote zinatumika tena na Wananchi wa kawaida kabisa