RC Chalamila Aridhia na Mapendekezo ya Ugawaji wa Baadhi ya Kata na Mitaa Kigamboni

Posted on: November 29th, 2023

- Asema mchakato wa Jambo hilo umefuata taratibu zote hitajika

- Imedhihirika kuwa Kigamboni kwa sasa Kuna idadi kubwa ya watu

- Asema hii itasaidia kupanua Maeneo ya Kiutawala

- Wajumbe wote wa Kikao hicho wakiongozwa na Mkuu wa Wilaya ya Kigamboni wafurahia kuungwa mkono kwa hoja hiyo

Mkuu wa Mkoa wa Dar es Salaam Mhe. Albert Chalamila leo Novemba 29, 2023 ameridhia ombi la kugawa maeneo ya Kiutawala katika Halmashauri ya Manispaa ya Kigamboni Kama yalivyowasilishwa

Mhe. Chalamila amesema mchakato huo umefuata hatua zote stahiki ikiwa ni pamoja na kutembelea maeneo husika na kutembelea wananchi na viongozi Kisha kufanya mahojiano nao

Hata hivyo, RC Chalamila  Amepokea maoni mbalimbali ya Wajumbe hao ambapo kwa Umoja wao wamedhihirisha kuwa Kigamboni kwa sasa Ina ongezeko kubwa la watu wanaohamia kutoka sehemu mbalimbali za nchi yetu

Vile vile Mhe.Mkuu wa Mkoa amesema utekelezaji wa Jambo hili  utasaidia kupanua Maeneo ya kiutawala ya Kigamboni ambapo wananchi watapunguziwa umbali wa kwenda kupata huduma mbalimbali

-Kwa upande wa Wajumbe wote wa kikao hicho wakiongozwa na Mkuu wa Wilaya wamefurahishwa na kupitishwa kwa mapendekezo ya kugawa baadhi ya kata na mitaa ya Kigamboni

Ikumbukwe kuwa  Halmashauri hiyo kutokana na ukubwa wake na uhamiaji wa watu halmashauri hiyo imeona ni vema kuongeza idada ya kata kutoka 9 hadi kata 14 na Mitaa  67 hadi 77 ikiwa ni ongezeko la Kata 5 na Mitaa 10