RC Chalamila Akabidhiwa Ofisi Rasmi Dar es Salaam.

Posted on: May 18th, 2023

Aliyekuwa Mkuu wa Mkoa wa Dar es Salaam CPA Amos Makalla amekabidhi Ofisi rasmi kwa Mhe Albert Chalamila kufuatia mabadiliko yaliyofanywa na Rais wa Jamhuri ya Muungano wa Tanzania Dkt Samia Suluhu Hassan ya uhamisho wa vituo vya kazi kwa wakuu wa Mikoa hivi karibuni ambapo Mhe Amos Makalla amehamishiwa Mkoa wa Mwanza.

Akiongea wakati wa makabidhiano hayo yaliyofanyika katika Ukumbi wa Mikutano Anatoglo Mnazimmoja na kuhudhuriwa na Kamati ya ulinzi na Usalama, Wakuu wa Wilaya, Wakurugenzi, makatibu Tawala wa Wilaya, Wakuu wa Taasisi za Umma na Sekretarieti ya Mkoa

CPA Makalla amesema anamshukuru Rais Dkt Samia kwa kuendelea kumuamini amemhakikishia kwenda kumwakilisha vizuri katika Mkoa wa Mwanza, Vilevile amesema yako mengi mazuri aliyoyafanya katika Mkoa wa DSM ikiwemo Kuwapanga vizuri wamachinga, ulinzi na Usalama, utatuzi wa migogoro ya Ardhi na usimamizi wa usafi mambo ambayo ni vizuri yakaendelezwa.

Kwa upande wa Mhe Albert Chalamila amesema anamshukuru Mhe Rais Dkt Samia kwa imani yake kwake na kuahidi kutomuangusha huku akisema uongozi ni kujifunza kila siku hivyo anaamini katika mabadiliko makubwa ya kimaendeleo kwa masilahi mapana ya wana Dar es Salaam na Watanzania kwa ujumla

Ifahamike kuwa Mhe Albert Chalamila Mkuu wa Mkoa wa Dar es Salaam kwa sasa alihamishwa akitokea Mkoa wa Kagera akihudumu kwa nafasi hiyo ya ukuu wa Mkoa huo