RC Chalamila Akabidhi Fedha kwa Wanawake Wajasiriamli 50 Ilala

Posted on: July 12th, 2023

Mkuu wa Mkoa wa Dar es Salaam Mhe Albert Chalamila amekabidhi kiasi cha pesa taslimu laki 2 kwa wanawake wajasiriamali 50 wa Kata ya Kivukoni Halmashauri ya Jiji la Dar es Salaam kwa ufadhiri wa LALJI Foundation chini ya Mhe Diwani wa Kata hiyo Mhe Sharik Shoughule makabidhiano ambayo yamefanyika leo Julai 12 katika viwanja vya Makumbusho ya Taifa Posta Ilala Jijini Dar es Salaam

Mhe Albert Chalamila akikabidhi pesa hizo amewataka wanawake hao kutumia pesa hizo kama mtaji utakao wafanya kusonga mbele kuhakikisha wanakua na nidhamu, kujituma na kuwa wabunifu, pia matumizi ya pesa hizo yakatengeneze furaha katika kukuza mitaji yao na sio vinginevyo.

Aidha RC Chalamila amesema mwanamke akiwezeshwa vizuri, umewezesha ustawi wa familia ambapo matokeo yake kukuza uchumi wa mtu mmoja mmoja na Taifa kwa Ujumla.

Hata hivyo Mhe Rais Dkt Samia alishaona umuhimu wa kumwezesha wajasiriamali wanawake kiuchumi kupitia mikopo ya 10% ( 4-4-2) ambapo asilimia 4% ilienda katika kundi la wanawake hivyo hatuna budi kuendelea kumushukuru Mhe Rais.

Vilevile Diwani wa Kata hiyo Mhe Sharik Shoughule amesema leo ameanza na wanawake wajasiriamali 50 kuwapatia kiasi hicho kwa ajili ya kukuza mitaji yao bado ataendelea kufanya kikubwa zaidi kwa kuwa kundi hilo ni muhimu na lina mchango mkubwa katika ustawi wa jamii