RC Chalamila Afungua Mkutano wa Wadau wa TIB

Posted on: November 28th, 2023

Mkuu wa Mkoa wa Dar es Salaam Mhe Albert Chalamila leo Novemba 28, 2023 amefungua Mkutano wa wadau wa Benki ya Maendeleo (TIB) katika ukumbi wa mikutano JNICC - Dar es Salaam

RC Chalamila amepongeza Bodi na menejimenti ya Benki ya maendeleo TIB kupitia mafanikio yaliyopatikana toka kuanzishwa kwake mwaka 1970.

Aidha RC Chalamila amemshukuru Rais wa Jamhuri ya Muungano wa Tanzania Dkt Samia Suluhu Hassan kwa dhamira yake ya uwekezaji katika Benki hiyo kwa kuwa TIB ina mkono wa Serikali ni ukweli usiopingika Rais asingekuwa na mapenzi na Benki hiyo isingekuwepo hadi " kuendelea kukua kwa Benki hiyo kunatanua fursa za ajira kwa vijana wa kitanzania ambao wajipatia kipato na kuchangia katika kukuza uchumi wa Taifa" Alisema RC Chalamila

Kwa upande wa Kaimu Mtendaji Mkuu wa Benki hiyo  Lilian Mbassy amesema lengo la mkutano huo unaohusisha wadau wa Benki hiyo pamoja na Watumishi ni kutoa nafasi ya pamoja  kujadili fursa zinazopatikana katika Benki ya TIB ili wadau waweze kuzitumia fursa hizi kwa masilahi mapana.

Vilevile amesema Benki hiyo inatoa mitaji/ mikopo ya muda mrefu, ya kati na kwa ajili ya maendeleo ya viwanda na uwekezaji katika sekta mbalimbali hapa nchini