RC Chalamila Afanya Ziara Jimbo la Ilala

Posted on: May 29th, 2024

-Akagua miradi ya maendeleo na kufanya mkutano wa hadhara Ilala kota.

Mkuu wa Mkoa wa Dar es Salaam Mhe Albert Chalamila leo Mei 29,2024 amefanya ziara ya kukagua miradi ya maendeleo na kuongea na wananchi wa Jimbo la Ilala ikiwa ni muendelezo wa ziara yake katika Wilaya ya Ilala.

RC Chalamila akiwa katika Jimbo la Ilala amekagua ujenzi wa barabara ya Mindu, mradi wa uwekaji perving na uzibuaaji wa mitaro IT na Plaza Ohio, pia ametembelea Shule ya Sekondari Benjamin na kukagua maendeleo ya ujenzi wa uwanja wa mpira na maktaba, barabara ya Lindi pamoja na kituo cha Afya cha mchikichini

Mhe Mkuu wa Mkoa amepongeza Halmashauri ya jiji kwa mpango wao wa Kupendezesha Jiji hilo kwa kuweka perving ambapo amewataka kufanya operesheni ya kukagua watu wenye dhamira mbaya ambao huelekeza mifumo ya maji taka katika mifumo ya maji safi " kama kuna mtu ana hoteli au Balozi na zinaelekeza maji taka uelekeo ambao sio sahihi kuacha mara moja na wanaofanya biashara maeneo ya watembea kwa miguu tena yana pervinga kuacha mara moja" Alisema RC Chalamila.

Aidha RC Chalamila Chalamila ameonyesha kutokuridhishwa na maendeleo ya ujenzi wa jengo la maktaba, uwanja wa mpira na kituo cha afya mchikichini ambapo amewataka wakandarasi kukamilisha ujenzi wa miradi hiyo mapema iwezekanavyo pia thamani ya pesa ionekane. " Siwezi kumvumilia mkandarasi anayeharibu kazi katika Mkoa huo" Alisisitiza RC Chalamila