RAS Rugwa Apokea Mwenge wa Uhuru Kutoka Mkoa wa Pwani

Posted on: May 10th, 2022

- Ataja ratiba ya Mwenge kukimbizwa Dar es Salaam

-Asisitiza Umuhimu wa Mwenge huu, Kauli Mbiu na Ujumbe wake

- Ataja thamani ya Miradi itakayopitiwa na Mwenge wa Uhuru

-Akabidhi  Mwenge huo kwa Mkuu wa Wilaya Kinondoni ambapo DC huyo akiri kuupokea na kuukimbiza katika Wilaya yake

Katibu Tawala wa Mkoa wa Dar es Salaam Ndg. Hassan Rugwa amepokea Mwenge wa Uhuru Leo tarehe 10 Aprili 2022 katika Uwanja wa Shule ya Msingi Bunju "A" ukitokea Mkoa wa Pwani

Baada ya kuupokea Mwenge huo wa Uhuru Ndg. Hassan Rugwa ametaja ratiba ya ukimbizwaji wa  Mwenge katika Mkoa wa Dar es Salaam kuwa tarehe 10/05/2022 Utakimbizwa Kinondoni, tarehe 11/05/2022 Utakimbizwa Ubungo, tarehe 12/05/2022 Ilala, tarehe 13/05/2022 Kigamboni na kumalizika Temeke tarehe 14/05/2022 ambapo tarehe 15/05/2022 utakabidhiwa Mkoa wa Kusini Pemba

Aidha Katibu Tawala amesisitiza Umuhimu wa Mwenge  wa Uhuru wa 2022 unaosisitiza Sensa ya Watu na Makazi chini ya Kauli Mbiu " Sensa ni Msingi wa Mipango ya Maendeleo; Shiriki Kuhesabiwa tuyafikie Maendeleo ya Taifa" na Ujumbe wa Kudumu wa Mbio za Mwenge kuhusu Mapambano dhidi ya VVU/ UKIMWI, Malaria, Dawa za Kulevya, Lishe na Rushwa

Ndg. Hassan Rugwa amesema jumla ya Miradi 28 yenye thamani ya *Shilingi Bilioni 16. 4 itapitiwa na Mwenge wa Uhuru ambapo Miradi hiyo ipo iliyokamilika na iliyopo katika hatua mbalimbali za utekelezaji

Hata hivyo Katibu Tawala ameukabidhi Mwenge huo kwa Mkuu wa Wilaya ya Kinondoni Mhe. Godwin Gondwe ambaye amekiri kuupokea na kuukimbiza katika Wilaya yake ya Kinondoni

     MWENGE OYEEEEEE