PAUL MAKONDA Akabidhi Ofisi kwa RC ABUBAKAR KUNENGE

Posted on: August 3rd, 2020

Aliyekuwa Mkuu wa Mkoa wa Dar es Salaam Ndugu Paul Makonda amekabidhi rasmi Ofisi kwa Mkuu wa Mkoa mpya Mhe. Abubakar Kunenge leo Agosti 03, ambapo amesema anaona furaha kubwa kukabidhi rasmi Ofisi kwa Mhe. Abubakar Kunenge.

Ndugu Paul Makonda amesema anamshukuru sana Mungu kwa kumuwezesha kuteuliwa na Mhe. Rais wa Jamhuri ya Muungano wa Tanzania Dkt. John Pombe Magufuli kuwa Mkuu wa Mkoa wa Dar es Salaam.

Aidha, alitumia nafasi hiyo kuwashukuru watumishi wote wa Ofisi ya Mkuu wa Mkoa wa Dar es Salaam kwa kumpatia ushirikiano mkubwa katika kipindi chote alichokuwa Mkuu wa Mkoa huo mpaka anaenda kwenye majukumu mengine.

Kwa upande wake Mkuu wa Mkoa wa Dar es Salaam Mhe. Abubakar Kunenge alisema ataendelea kushirikiana na wafanyakazi waliopo katika Ofisi hiyo ili kutekeleza yote yanayotakiwa. Aidha alimuhakikishia Ndugu Paul Makonda kuwa yote mazuri yataendelea kufanyiwa kazi na zaidi ya hayo pia.