Kuelekea Siku ya Maadhimisho ya Magojwa yasiyoambukiza Ubungo yafanya Mazoezi ya Kukimbia " Jogging "

Posted on: October 30th, 2021

Kuelekea siku ya Maadhimisho ya magonjwa yasiyoambukiza Manispaa ya Ubungo kwa kushirikiana  na vikundi Mbalimbali vya jogging katika Manispaa hiyo, imefanya mazoezi ya kukimbia (jogging) lengo ikiwa ni kuhamasisha jamii kufanya mazoezi kama njia bora ya kuepuka magonjwa hayo.

Mazoezi hayo yaliyoongozwa na Katibu Tawala wa Wilaya ya Ubungo Ndg James Mkumbo yalianzia Hospitali ya Wilaya iliyopo Kimara Baruti hadi Daraja la Kijazi ( kijazi Interchange)

Akiongea baada ya mazoezi hayo Katibu Tawala wa Wilaya hiyo Bwana aliwaeleza wananchi kuwa mazoezi ni afya hivyo kila mtu anapaswa kufanya ili kuimarisha afya  zao na hivyo  kuepuka magonjwa yasiyoambukiza kama kisukari, shinikizo la damu na magonjwa ya moyo  

Aidha, Mkumbo alisema  mazoezi hayo pia yamelenga kuwaeleza wananchi juu ya ufunguzi wa Hospitali ya Wilaya hivi karibu ambapo wananchi wameshiriki kupanda miti na kuchangia damu ikiwa maandalizi ya ufunguzi wa Hospitali hiyo.

Pia wananchi wamehamasishwa kuchanja kwa hiari chanjo ya UVIKO -19 kwa ajili ya kujinga na ugonjwa huo.