HABARI NJEMA NI KWAMBA MUDA WA KUTOA HUDUMA NDANI YA MELI YA CHINA UMEONGEZWA

Posted on: November 24th, 2017

Kutokana na Idadi kubwa ya Wananchi waliojitokeza kwenye Zoezi la Upimaji na Matibabu Bure ndani ya Meli ya Jeshi la Jamuhuri ya China, Mkuu wa Mkoa wa Dar es salaam Mhe. PAUL MAKONDA ameongeza nguvu kazi ya Madaktari Bingwa kwa ajili ya kuhakikisha kila aliyepatiwa namba anahudumiwa

Katika kikao kati ya RC MAKONDA na Kamanda wa Jeshi la Jamuhuri ya China, Madaktari wa China wameridhia kuongeza muda wa kutoa huduma kwa kupunguza muda wa Mapumziko kutoka masaa Matatu hadi saa moja pamoja na kutoa matibabu usiku na mchana.

Aidha RC MAKONDA amesema kuwa wameongeza Vituo Vitatu vya kutolea huduma ambapo wapo watakaotibiwa eneo linalotumika kugawa namba (central), pembezoni mwa Meli na ndani ya Meli kwa wale wagonjwa weliozidiwa Sana.

Aidha RC MAKONDA amesema hadi sasa zaidi ya Wagonjwa 17 wamefanyiwa Upasuaji Mkubwa Bure kitendo ambacho kimesaidia kupunguza gharama za matibabu ikiwemo kusafirisha wagonjwa Nje ya Nchi.