RC Makonda Apokea Mwenge wa Uhuru

Posted on: July 7th, 2018

Mkuu wa Mkoa wa Dar es Salaam Mhe. Paul Makonda leo July 07 amepokea Mwenge wa Uhuru uliowasili Asubuhi ya leo Uwanja wa ndege wa Mwalimu Nyerere ukitokea Mkoa wa Kusini Pemba na kuukabidhi kwa Mkuu wa Wilaya ya Ilala Bi. Sophia Mjema kwaajili ya kuanza shughuli ya uzinduzi wa miradi ya maendeleo.

RC Makonda amesema Mwenge wa Uhuru utakuwa Jijini Dar es salaam kwa Muda wa siku Tano ambapo utazindua na kuweka mawe ya msingi kwenye miradi 38 yenye thamani ya Shillingi Billion 33.4.

Aidha RC Makonda amesema katika miradi itakayozinduliwa kupitia mbio za mwenge, miradi 16 itazinduliwa, Miradi 14 itawekewa mawe ya msingi na Miradi 8 itatembelewa.

Mwenge wa Uhuru umeanza kwa kukimbizwa Wilaya ya Ilala na baada ya hapo utaenda Wilaya za Kigamboni, Kinondoni, Ubungo na kumalizia na Wilaya ya Temeke.