RC Makalla Azindua Huduma ya NMB Mwalimu Spesho

Posted on: July 26th, 2022

 - Awapongeza *NMB kwa ubunifu wa huduma Zinazogusa watu wa Makundi mbalimbali.

- Awahimiza Walimu kuanzisha miradi ya kujikwamua kiuchumi.
- Asisitiza Matumizi sahihi ya mishahara/ kipato.
Mkuu wa Mkoa wa Dar es salaam Mhe. Amos Makalla leo amezindua huduma ya NMB Mwalimu Spesho inayolenga kutoa huduma mbalimbali kwa walimu ikiwemo mikopo ya kilimo, Biashara, uwekezaji, bima na mikopo ya Elimu.
Akizungumza wakati wa uzinduzi huo ikiwa ni sehemu ya utaratibu wa Bank hiyo kuadhimisha siku ya Mwalimu kila mwaka, RC Makalla amepongeza Bank ya NMB kwa kubuni huduma mbalimbali Zinazogusa watu wa Makundi yote wakiwemo Watumishi, Wajasiriamali, Wafanyabiashara na Wawekezaji.
Aidha RC Makalla ametoa wito kwa Walimu kufanya maandalizi Bora ya kustaafu mapema kwa kuchangamkia Fursa ya mkopo kuanzisha miradi ya kujikimu kwa mustakabali ya maisha ya Sasa na badae.
Pamoja na hayo RC Makalla ametumia uzinduzi huo kuwahimiza Wananchi na Watumishi kuhakikisha kiasi Cha fedha wanachopata wanatumia na kiasi kingine wanatunza kwaajili ya maendeleo
Maadhimisho ya siku ya Mwalimu ya NMB kwa Mwaka 2022 yameenda sambamba na kaulimbiu isemayo Umetufunza Tunakutunza yakilenga kuthamini kazi kubwa na nzuri wanayoifanya Walimu kwenye Jamii.