RC Makalla Awataka Temesa Kutoweka Rehani Maisha ya Watumiaji Vivuko-Kigamboni

Posted on: April 8th, 2022

-Asema wanapaswa kufanya ukarabati wa Vivuko vyao Mara kwa Mara kwa mujibu wa Kalenda

-Ataka Elimu ya N- Card iwe endelevu na ieleweke

- Atoa Rai wananchi kuzingatia Usafi wa Mazingira

-Awataka TEMESA kukarabati kivuko hicho Cha tatu kwa Umakini

- Kwa upande wa Meneja wa Vivuko Lokombe King'ombe  akiri kupokea maelekezo hayo na kuyafanyia kazi

Mkuu wa Mkoa wa Dar es Salaam Mhe. Amos Makalla ameendelea na ziara yake katika kutembelea Wilaya za Mkoa wa Dar es Salaam ili kukagua Miradi mbalimbali ya Maendeleo ambapo Leo yupo katika Wilaya ya Kigamboni

Akiwa Katika Wilaya hiyo Mhe. Mkuu wa Mkoa ameanza na Daraja la Kigamboni ili kuona utendaji kazi wa Vivuko vya Kigamboni ambapo amewataka TEMESA kutokuweka Rehani Maisha ya Wanakigamboni kwani kwa Wanakigamboni *Kivuko ndio roho ya usafiri wao

RC Makalla amewataka TEMESA kufanya ukarabati wa Vivuko hivyo Mara kwa Mara kwa mujibu wa Kalenda kwani kila kivuko kinajulikana kinatakiwa kifanyiwe ukarabati kwa muda gani

Aidha, Mkuu wa Mkoa amewataka TEMESA kuendelea kutoa Elimu ya N- Card kwa wananchi ili waielewe sambamba na kuwasaidia wale wasiokuwa na Elimu hiyo pindi wanapokuja na pesa mkononi waweze kuvuka huku Elimu wakiendelea kupewa

Hata hivyo Mhe. Mkuu wa Mkoa amewataka TEMESA kukarabati kivuko hicho Cha tatu kwa Umakini Mkubwa ili kije kuwahudumia Wanakigamboni ipasavyo

Kwa upande wake Meneja wa Vivuko kanda ya Mashariki na Kusini Bw. lokombe King'ombe akiri kupokea maelekezo yote na kusema atayafanyia kazi